Уладзімір Зяленскі: Сустрэнуся з Каралям Наўроцкім, як толькі Варшава запрапануе дату

Уладзімір Зяленскі заявіў, што гатовы наведаць Польшчу з афіцыйным візітам тады, калі прэзідэнт Караль Наўроцкі прапануе канкрэтную дату сустрэчы.

Уладзімір Зяленскі

https://t.me/V_Zelenskiy_official/16976

Прэзідэнт Украіны Уладзімір Зяленскі заявіў, што гатовы наведаць Польшчу з афіцыйным візітам тады, калі прэзідэнт Караль Наўроцкі прапануе канкрэтную дату сустрэчы.

Адказваючы на пытанні журналістаў, у тым ліку карэспандэнта Польскага радыё, украінскі лідар падкрэсліў, што сустрэча з польскім калегам для яго вельмі важная. Уладзімір Зяленскі нагадаў, што ўжо запрашаў Караля Наўроцкага прыехаць у Кіеў, але сам таксама гатовы паехаць у Варшаву для перамоў.

«BBC Украіна і Польскае радыё таксама пытаюцца пра магчымасць сустрэчы з прэзідэнтам Наўроцкім. Я з задавальненнем з ім сустрэўся б — я сказаў гэта яму па тэлефоне: запрасіў і папрасіў выбраць дату. Бачыў таксама паведамленні ў медыя, што прэзідэнт Польшчы запрашае мяне. Каб прыехаць, патрэбная дата: калі прэзідэнт афіцыйна ці неафіцыйна запрасіць і прапануе тэрмін — безумоўна прыеду ў Польшчу з візітам, гэта для мяне важна», — заявіў прэзідэнт Украіны.

Уладзімір Зяленскі адказваў на пытанні журналістаў у анлайн-фармаце падчас пералёту з Лондана ў Брусель. У абедзвюх сталіцах палітык абмяркоўваў з еўрапейскімі лідарамі ход перамоў адносна ўкраінскага мірнага плана.

iar/эж