Наступствы гандлёвага пагаднення Еўрапейскага саюза з краінамі Меркасур (эканамічнае і палітычнае пагадненне паміж Аргенцінай, Бразіліяй, Уругваем, Парагваем, Венесуэлай і Балівіяй) не будуць драматычнымі для сельскагаспадарчых вытворцаў, заявіў у пятніцу, 19 снежня, пасля саміту ЕС прэм’ер-міністр Польшчы Дональд Туск.
— Не хачу казаць, што нам ўдалося «вырваць зубы» дамове з Меркасур, але магчымыя наступствы дамовы не стануць крытычнымі для польскіх фермераў. У тых выпадках, дзе негатыўны ўплыў усё ж узнікне, Еўрапейскі Саюз будзе абавязаны задзейнічаць розныя механізмы абароны, страхавання і фінансавай дапамогі.
Раней планавалася, што ў суботу, 20 снежня, старшыня Еўрапейскай камісіі Урсула фон дэр Ляен адправіцца ў Бразілію, каб абвясціць пра заключэнне пагаднення на саміце з краінамі Лацінскай Амерыкі. Аднак прэм’ер-міністр Італіі Джорджа Мелоні і прэзідэнт Францыі Эманюэль Макрон заявілі, што ім неабходны дадатковы час для прыняцця канчатковага рашэння. Падпісанне дамовы ЕС-Меркасур адкладзена да студзеня.
iar/эж