Жанчыны, якія ствараюць і кіруюць бізнесам у сельскай мясцовасці, — гэта аснова моцнай мясцовай эканомікі, — кажа еўрадэпутатка Эльжбета Лукаціеўская. У эфіры Польскага радыё еўрадэпутатка ад Грамадзянскай кааліцыі заявіла, што, хоць становішча жанчын у сельскіх мясцовасцях і мястэчках пастаянна паляпшаецца, лічбавая ізаляцыя застаецца сур'ёзнай праблемай.
— Доступ да фінансавання лічбавых, інавацыйных праектаў, якімі маглі б быць зацікаўленыя жанчыны, аказваецца праблемай. Часта няма інфармацыі і простага шляху доступу да яе. Патрэбная схема падтрымкі, скіраваная да жанчын, паводле прынцыпу: «Калі вы хочаце пачаць бізнес, дзейнічайце, мы вас падтрымаем», — гэтага ўсё яшчэ не хапае.
У канцы лютага (26 лютага) Камітэт па правах жанчын і гендарнай роўнасці Еўрапейскага парламента прыняў даклад «Жаночае прадпрымальніцтва ў сельскіх, астраўных і аддаленых раёнах». Дакладчыкам была польская еўрадэпутатка Эльжбета Лукаціеўская.