Яе паступовае скасаванне пачалося ў сярэдзіне чэрвеня, калі стаўкі акцызаў вярнуліся да стандартнага ўзроўню. Аднак ніжэйшая стаўка ПДВ застаецца ў сіле да аўторка, 30 чэрвеня.
Барташ Арлуковіч з Грамадзянскай кааліцыі заявіў, што гэта было вельмі неабходнае рашэнне.
— Праграмы такога тыпу, якія ахоўваюць кішэнь грамадзян, патрэбныя. Яны заўсёды заканчваюцца. Сітуацыя стабілізуецца, таму ўрад павінен рацыянальна распараджацца публічнымі сродкамі.
Павал Салэк з кіруючай партыі «Права і справядлівасці» лічыць, што праграму не варта завяршаць.
— Рост цэн на паліва ў Польшчы прыпыніўся і, напэўна, праграма павінна працягвацца з улікам на вакацыі і ўсю эканоміку. Гэта будзе кепска ўспрынята палякамі, асабліва напярэдадні вакацый.
Паводле экспертаў з лодзінскага бюро Reflex, поўнае спыненне праграмы «Ніжэйшыя цэны на паліва» можа азначаць павышэнне цэн на бензін і дызельнае паліва на 40-60 грошай за літр.
Урадавая праграма пачала дзейнічаць у канцы сакавіка. Гэта стала рэакцыяй урада на рэзкі рост сусветных цэн на нафту і паліва пасля абвастрэння канфлікту на Блізкім Усходзе і блакады Армузскага праліва.
ав