Інтэнсіўная праца пажарных была звязана з моцнымі навальніцамі, якія пракаціліся па Польшчы. Войцех Гралец паведаміў Польскаму радыё, што пажарныя былі асабліва занятыя на поўдні Польшчы.
— Больш за ўсё выездаў было на тэрыторыі Сілезскага ваяводства, больш за 550, а на тэрыторыі Вялікапольшчы — каля 100. У астатніх ваяводствах здарэнняў было выразна менш. Яны тычыліся пераважна паламаных дрэў, галінаў, лакальных падтапленняў, пашкоджаных дахаў.
Сёння (1 ліпеня), паводле прагнозаў Інстытута метэаралогіі і воднай гаспадаркі, найбольшая верагоднасць навальніц назіраецца ва ўсходняй, паўднёвай і цэнтральнай частках краіны. Колькасць ападкаў падчас навальніц вагаецца ад 20 да 40 міліметраў, лакальна каля 50 міліметраў. Падчас іх парывы ветру могуць дасягаць лакальна 100 кіламетраў у гадзіну.
Максімальная тэмпература вагаецца ад 18 градусаў Цэльсія на ўзбярэжжы і на захадзе да каля 30 градусаў Цэльсія ў цэнтры. Найбольш цёпла будзе ва ўсходняй і паўднёва-ўсходняй частках краіны — там тэрмометры пакажуць 34-36 градусаў Цэльсія.
ав