У Чэхіі разгарэлася дыскусія аб магчымым пазбаўленні Уладзіміра Зяленскага Ордэна Белага Льва – вышэйшай дзяржаўнай узнагароды Чэхіі.
Канец гэтым спекуляцыям паклаў міністр замежных спраў Пётр Мацінка. Палітык падкрэсліў, што для гэтага няма юрыдычных падстаў. Ён назваў ініцыятыву сваіх партнёраў па кааліцыі палітычным жэстам.
Нагадваем, такую ідэю высунуў рух «Свабода і прамая дэмакратыя». Яго палітыкі спаслаліся на прыклад Польшчы.
Аднак міністр замежных спраў Чэхіі падкрэсліў, што пазбаўленне ўзнагароды практычна немагчымае.
— Дзеля таго няма юрыдычнай магчымасці, за выключэннем сітуацый, калі хтосьці асуджаны за злачынства, а прызначанае судом пакаранне ўключае ў тым ліку пазбаўленне ўзнагарод. Але гэта, вядома, не тычыцца прэзідэнта іншай краіны, — падкрэсліў Петр Мацінка.
Пытанне закрануў таксама былы прэзідэнт Мілаш Земан, які ў 2022 годзе ўзнагародзіў Уладзіміра Зяленскага Ордэнам Белага Льва «за мужнасць і адвагу, праяўленыя ім на пачатку расійскага ўварвання ва Украіну».
— Сёння, на жаль, ёсць падстава адабраць гэтую ўзнагароду. Я не пагаджаюся на ўшанаванне ваенных злачынцаў, якія забівалі палякаў, габрэяў, чэхаў і славакаў, — сказаў былы прэзідэнт Чэхіі.
IAR/аз