Тры чвэрці польскіх патэнтаў не даходзяць да эканомікі, вынікае з даследавання праведзенага экспертамі Патэнтнага ведамства і Варшаўскай школы эканомікі.
Навукоўцы пераважаюць сярод аўтараў патэнтаў, але іх ідэі часцей за ўсё не выкарыстоўваюцца ў бізнесе. Самі аўтары гэтых патэнтаў прызнаюць, што на іх тэхналогіі няма попыту, і інвестары не зацікаўленыя, кажа прафесар Марыюш Ян Радла з Варшаўскай школы эканомікі.
— Але гэта таксама сведчыць аб тым, што на этапе стварэння патэнта ніхто не правяраў, ці ёсць попыт.
Старшыня Патэнтнага ведамства Эва Скшыдла-Тэфельска сказала, што даследаванне малюе драматычную карціну польскай эканомікі.
— Пытанне, ці ў Польшчы выкарыстоўваюцца ў першую чаргу запатэнтаваныя вынаходніцтвы іншых арганізацый з усяго свету, ці ў нас не вельмі сучасная эканоміка?
Патэнты, пададзеныя прадпрымальнікамі, рэалізуюцца ў большай ступені. Яны выкарыстоўваюць 40% зарэгістраваных ідэй.
Паводле ацэнак эканамістаў, паміж 2019 і 2023 гадамі даходы ад камерцыялізацыі патэнтаў склалі крыху менш за чатыры мільярды злотых.
ПР/юл