Познаньская паліцыя разглядае магчымасць апублікавання відэазапісаў з камер відэаназірання, на якіх бачныя злачынцы, якія напалі на 60-гадовага мужчыну, які ўстаў на абарону ўкраінскага падлетка. Следчыя ўжо апыталі сведкаў інцыдэнту, кажа прэс-сакратар Вялікапольскай паліцыі Анджэй Баровяк (Andrzej Borowiak).
— У нас ёсць запісы з камер відэаназірання, устаноўленых на трамвайных прыпынках. У нас таксама ёсць запісы з самога трамвая. Мы паспрабуем выявіць падазраваных і арыштаваць іх як мага хутчэй, — заявіў Анджэй Баровяк.
Напад на 60-гадовага мужчыну адбыўся ў пятніцу (17 ліпеня) у раёне Пянткова (Piątkowo) ў Познані. Падчас паездкі ў трамваі мужчына абараняў украінскага падлетка, якога абражалі трое мужчын. Злачынцы плюнулі на яго і некалькі разоў ударылі ў твар.
60-гадовы мужчына быў шпіталізаваны з-за праблем з памяццю. Пасля абследавання яго адпусцілі дадому.
IAR/аз