Польшча далучаецца да буйной еўрапейскай праграмы па стварэнні бяспечных камунікацый для Еўропы, падкрэсліў у аўторак міністр унутраных спраў і адміністрацыі Марцін Кервінскі падчас падпісання пагаднення аб будаўніцтве спадарожнікавай групоўкі IRIS2. Палітык дадаў, што сістэма гарантуе бяспеку і поўную незалежнасць.
У аўторак у Міністэрстве ўнутраных спраў і адміністрацыі пагадненне аб удзеле Польшчы ў будаўніцтве спадарожнікавай групоўкі IRIS2 падпісалі міністр Марцін Кервінскі і еўрапейскі камісар па пытаннях абароны і космасу Андрус Кубілюс.
Польскі міністр унутраных спраў падкрэсліў, што «сувязь будзе падтрымлівацца еўрапейскімі спадарожнікамі. Гэта будзе цалкам незалежная сістэма, якая гарантуе нашу бяспеку і поўную незалежнасць».
Палітык адзначыў, што «мы жывем у вельмі небяспечныя часы», і праект, да якога далучаецца Польшча, з'яўляецца адказам на гэтыя пагрозы. Ён звярнуў увагу, сярод іншага, на вайну ва Украіне, пагрозы, выкліканыя стыхійнымі бедствамі, і гібрыдныя пагрозы. «Сувязь таксама можа стаць мішэнню», — сказаў ён.
Міністр падкрэсліў, што «Польшча будзе адным з шасці асноўных гульцоў у стварэнні сістэмы IRIS2 у Еўропе».
— Польшча будзе адной з апор у стварэнні гэтага бяспечнага камунікацыйнага абʼекта для ўсёй Еўропы, – дадаў ён.
Камісар ЕС Кубілюс падкрэсліў, што гэта вялікі дзень для Польшчы, усходняга флангу НАТА і ўсяго Еўрапейскага Саюза. Ён адзначыў, што «Польшча дэманструе сапраўднае лідарства». Еўрапейскі палітык дадаў, што, інвестуючы ў космас, Польшча інвестуе ў бяспеку, эканоміку і будучыню, і падпісанне пагаднення зробіць Польшчу апорай бяспечнай сувязі Еўропы.
PAP/юл