Нацыянальная падатковая адміністрацыя (KAS) нагадвае падарожнікам, каб пасля вяртання з адпачынку за мяжой не прывозіць з сабой вырабы з жывёл і раслін, якія знаходзяцца пад пагрозай знікнення. З пачатку чэрвеня польскія ўлады выявілі 19 выпадкаў увозу такіх асобнікаў з-за межаў Еўрапейскага Саюза.
Прэс-сакратар Люблінскай мытна-падатковай службы Міхал Дэруш паведаміў, што ўлады канфіскавалі 1777 вырабаў:
— Гэта былі псеўдамедыкаменты традыцыйнай кітайскай медыцыны, то бок таблеткі вырабленыя з асобнікаў жывёл, якія знаходзяцца пад пагрозай знікнення. Чучала галавы алігатара, вырабы са скуры пітонаў. Асаблівую ўвагу заслугоўвае выяўленне 20 жывых раслін — прадстаўнікоў сямейства архідэй і кактусавых.
Міхал Дэруш сказаў, што тысячы відаў знаходзяцца пад аховай, а вырабы з іх прадаюцца ў замежных сувенірных крамах:
— Трэба памятаць, што нельга перавозіць нічога, што зроблена з жывёл. Нельга ўвозіць вырабы, прэпараты традыцыйнай кітайскай медыцыны, чучалы, ракушкі і каралы. Вядома, гэта таксама тычыцца жывых жывёл.
Перавозка праз мяжу ЕС відаў, якія знаходзяцца пад пагрозай знікнення, у Польшчы караецца пазбаўленнем волі на тэрмін да пяці гадоў.
ав