Польшча атрымала запрашэнне на саміт G20, які адбудзецца ў Вялікабрытаніі ў 2027 годзе. Пра гэта прэм’ер-міністр Польшчы Дональд Туск паведаміў падчас афіцыйнага візіту ў Індыю. Запрашэнне паступіла ад брытанскага прэм’ера Эндзі Бёрнэма.
— Я атрымаў пацвярджэнне: Польшча будзе запрошаная, — заявіў Туск.
Акрамя таго, прэм’ер-міністр Індыі Нарэндра Модзі паабяцаў падтрымаць імкненне Варшавы да пастаяннага ўдзелу ў G20. Паводле Туска, індыйскі бок таксама вітае ўдзел Польшчы ў сёлетнім саміце, запланаваным на 14–15 снежня ў Маямі.
G20 аб’ядноўвае найбуйнейшыя гаспадркі свету, Еўрасаюз і Афрыканскі саюз. На іх прыпадае каля 85% сусветнага ВУП і больш за 75% сусветнага гандлю.
Запрашэнні на саміты G20 у ЗША і Злучаным Каралеўстве яшчэ не гарантуюць Польшчы пастаяннага членства ў групе.
iar/эж