Колькасць насельніцтва Польшчы працягвае змяншацца. На канец верасня ў краіне пражывалі 37 млн 212 тыс. чалавек — на 165 тысяч менш, чым летась. Такія звесткі апублікавала Галоўнае статыстычнае ўпраўленне Польшчы (GUS). Скарачэнне насельніцтва назіраецца і ў параўнанні з пачаткам года.
Галоўная прычына — адмоўны натуральны прырост: смяротнасць значна перавышае нараджальнасць. За дзевяць месяцаў у Польшчы нарадзіліся каля 176 тыс. дзяцей, а памерлі прыкладна 305 тыс. чалавек. Пры гэтым нараджальнасць працягвае зніжацца, а колькасць смерцяў павялічваецца.
Дэмаграфічны спад стварае доўгатэрміновыя праблемы для краіны: скарачаецца будучая колькасць працаздольных жыхароў, узрастае нагрузка на пенсійную сістэму і ахову здароўя.
Новыя звесткі пацвярджаюць устойлівую тэндэнцыю да змяншэння насельніцтва Польшчы.
iar/эж