Airbus паставіць Польшчы замоўленыя ваенна-транспартныя самалёты раней за тэрмін 

ВПС Польшчы адчуваюць востры недахоп новых транспартнікаў для хуткай перакідкі войскаў і тэхнікі, самалётаў-запраўшчыкаў для павелічэння далёкасці палётаў.

Транспартны самалёт A400M Atlas

Фота: https://www.airbus.com

Еўрапейскі авіябудаўнічы канцэрн Airbus гатовы паставіць Польшчы транспартныя самалёты A400M яшчэ да канца 2030 года, апярэдзіўшы тэрміны еўрапейскай праграмы ўзбраенняў SAFE. Тэрмін паставак будзе залежаць ад даты падпісання кантракта. Пра гэта заявіў кіраўнік Airbus у Еўропе Ёхан Пеліс'е.

ВПС Польшчы адчуваюць востры недахоп новых транспартнікаў для хуткай перакідкі войскаў і тэхнікі, самалётаў-запраўшчыкаў для павелічэння далёкасці палётаў знішчальнікаў і навучальных верталётаў.

Польшча разглядае набыццё ад 8 да 15 транспартнікаў A400M. Закупку плануюць фінансаваць праз еўрапейскую праграму SAFE сумесна з іншай краінай Еўрасаюза, магчыма, Іспаніяй.

We have delivered the third Airbus A330 MRTT to the @Defensagob completing the order placed in 2021. The aircraft will be operated by the 45th Wing of the @EjercitoAire from Torrejón de Ardoz Air Base (Madrid). The #Airbus A330 MRTTs for the Spanish Air and Space Force are equipped with a state-of-the-art hose-and-drogue refuelling system and feature an endurance of more than 18 hours of flight time and a range of 16,000 kilometres. The global #A330MRTT fleet has accumulated more than 375,000 flight hours. Its large basic fuel load capacity of 111 tonnes allows it, among other functions, to perform air-to-air refuelling missions without the need to add extra fuel tanks. To date, there is an order book of 91 A330 MRTTs, of which we have delivered 68 aircraft to more than 18 countries.

— Airbus Defence (@AirbusDefence) October 20, 2026

Паралельна Варшава рыхтуе кантракт на чатыры запраўшчыкі A330 MRTT, неабходныя ў тым ліку для знішчальнікаў F-35.

Ёхан Пеліс'е падкрэсліў, што транспартнікі можна паставіць хутчэй за запраўшчыкі: апошнія патрабуюць дадатковага пераабсталявання. Airbus таксама прапануе Польшчы навучальныя верталёты з магчымасцю мясцовай вытворчасці і перадачы тэхналогій.

pap/эж