Гэта прадугледжвае праект закона аб мінімальным узросце доступу да інтэрнэт-платформаў сацыяльных сетак. Новыя правілы павінны павысіць бяспеку дзяцей і моладзі ў інтэрнэце.
Згодна з законапраектам, праверка ўзросту карыстальнікаў сацыяльных сетак павінна ажыццяўляцца з дапамогай еўрапейскага лічбавага кашалька для ідэнтыфікацыі, польскага мабільнага дадатку mObywatel або іншага надзейнага інструмента. Пры гэтым сістэма павінна толькі пацвярджаць дасягненне неабходнага ўзросту, не раскрываючы дадатковых персанальных звестак.
Акрамя таго, у школах плануецца ўзмацніць адукацыю ў сферы лічбавых тэхналогій. Дзецям будуць расказваць, у прыватнасці, пра інтэрнэт-залежнасць, грумінг — усталяванне дарослымі даверлівых адносін з непаўналетнімі з мэтай сексуальнай эксплуатацыі, кібербулінг, а таксама вучыць іх распазнаваць дэзінфармацыю.
Кантроль за выкананнем новых правілаў будзе ажыццяўляць кіраўнік Упраўлення электронных камунікацый Польшчы.
Чакаецца, што ўрад прыме законапраект у пачатку наступнага года.
IAR/яс