Міністра абароны Польшчы асвісталі ў Дзень незалежнасці: «Гэта выклікае радасць нашых ворагаў у Крамлі»

Уладзіслаў Касіняк-Камыш нагадаў словы аднаго з айцоў незалежнасці, лідара польскага руху ў Сілезіі Войцеха Карфантага: «Польшчу будуюць працай, а не крыкам».

Віцэ-прэм'ер, міністр нацыянальнай абароны Польшчы Уладзіслава Касіняка-Камыша падчас дзяржаўных урачыстацяў, прымеркаваных да Дня незалежнасці, Плошча Пілсудскага, Варшава, 11 лістапада 2026 г.

PAP/Przemysław Piątkowski

Падчас святкавання Дня незалежнасці Польшчы ў Варшаве частка прысутных асвістала віцэ-прэм'ера, міністра нацыянальнай абароны Уладзіслава Касіняка-Камыша. Інцыдэнт адбыўся на Плошчы Пілсудскага, калі віцэ-прэм'ера запрасілі выступіць перад удзельнікамі дзяржаўных урачыстасцяў. Міністр не стаў перапыняць прамову і адказаў на свіст заклікам да нацыянальнага адзінства.

— Гэты крык не выклікае ў мяне страху. Але яго рэха выклікае радасць і пусты смех у нашых ворагаў, у Крамлі, — заявіў палітык.

Уладзіслаў Касіняк-Камыш нагадаў словы аднаго з айцоў незалежнасці, лідара польскага руху ў Сілезіі Войцеха Карфантага: «Польшчу будуюць працай, а не крыкам», падкрэсліўшы, што менавіта адзінства дапамагло палякам аднавіць дзяржаўнасць.

Przemówienie z okazji Święta Niepodległości wygłasza W. Kosiniak-Kamysz - wicepremier i minister obrony narodowej, który znakomicie sprawuje swoją funkcję i dba o bezpieczeństwo Polski. Grupa kibolsko-chuligańska wygwizduje go. Koszmarne świadectwo koszmarnych ludzi.

— Krzysztof Brejza (@krzysztofbrejza) November 11, 2026

Інцыдэнт выклікаў палітычную рэакцыю. Напрыклад, еўрадэпутат ад урадавай «Грамадзянскай кааліцыі» Кшыштаф Брэйза асудзіў паводзіны ўдзельнікаў свята, якія асвісталі кіраўніка абароннага ведамства.

iar/pap/эж