У планах размовы пра бюджэт ЕЗ, адкрыццё межаў і супрацу ў рамках Вышаградскай групы – міністр замежных спраў Польшчы Яцэк Чапутовіч распачаў візіт у Славакію. Там ён сустракаецца з кіраўніком славацкай дыпламатыі Іванам Корчакам.
Польшча пераймае старшынства ў Вышаградскай групе 1 ліпеня. У апошнім часе Яцэк Чапутовіч прадстаўляе чальцам V4 прапановы на бліжэйшыя месяцы. Кіраўнік польскай дыпламатыі на мінулым тыдні зноў пачаў лятаць на замежныя сустрэчы пасля перапынку, выкліканага эпідэміяй. У апошнія дні ён наведаў Прагу, Будапешт і Талін.
Вышаградская група была створаная ў 1991 годзе. У яе склад уваходзяць Польшча, Венгрыя, Чэхія і Славакія. Яе мэта – гэта інфраструктурная, фінансавая і палітычная супраца ў рамках Еўразвязу і НАТА.
ав