18 ліпеня ў Польшчы пачынаецца Тыдзень святога Хрыстафора, а разам з ім – «Акцыя св. Хрыстафора 1 грош за 1 кіламетр». Арганізацыя MIVA Polska звяртаецца да ўсіх кіроўцаў з просьбай падтрымаць місіянераў у набыцці транспартных сродкаў, прызначаючы на гэтага 1 грош за кожны праеханы кіламетр.
Купленыя дзякуючы акцыі аўтамабілі, ровары і матацыклы дазволяць місіянеры дабрацца да аддаленых месцаў. Як сказаў дырэктар MIVA Polska айцец Ежы Красніцкі(Jerzy Kraśnicki), у гэтым годзе дапамогі чакаюць 45 місіянераў:
- Неабходныя 19 аўтамабіляў, 8 матацыклаў, 1 трактар, маторная лодка і рачная баржа. Напрыклад трактар патрэбны на місіі на Мадагаскары, рачная баржа – у Бразіліі, маторная лодка – у Перу, матацыклы – на Кубе і ў Калумбіі, а аўтамабілі ў Паўднёва-Афрыканскай Рэспубліцы.
Айцец Ежы Красніцкі дзякуе ўсім ахвярадаўцам і дадае, што ў мінулым годзе, нягледзячы на пандэмію, удалося рэалізаваць амаль 80 праектаў, датычных набыцця транспартных сродкаў для місіянераў. У бягучым годзе MIVA Polska ахвяравала 2 мільёны злотых на 90 розных місійных праектаў, звязаных з транспартнымі сродкамі.
аз