Намеснік міністра замежных спраў Польшчы Павел Яблоньскі сказаў, што міністэрства працуе над замежнымі візітамі прэзідэнта Анджэя Дуды ў адпаведнасці з узгодненым календаром. Госць Першай праграмы грамадскага Польскага радыё падкрэсліў, што сярод планаваных візітаў таксама паездка прэзідэнта Польшчы ў ЗША.
Намеснік кіраўніка дыпламатыі дадаў, што міністэрства не можа раскрыць больш падрабязнай інфармацыі аб замежных візітах Анджэя Дуды.
Нагадваем, прэзідэнт ЗША Джо Байдэн на пытанне карэспандэнта радыё RMF FM аб запрашэнні прэзідэнта Польшчы ў ЗША адказаў, што пакуль ён яшчэ такога запрашэння не накіраваў.
аз