Адна з найбуйнейшых арганізацый у Польшчы Фонд «Беларускі дом у Варшаве», які аказвае падтрымку беларускім бежанцам і мігрантам, падводзіць статыстыкі сваёй дзейнасці за апошні год. Са жніўня мінулага году фонд:
- выплаціў 505 тысяч злотых у выглядзе фінансавых грантаў для 238 рэпрэсаваных беларусаў і іх сем'яў;
- арганізаваў складаныя аперацыі, аплаціў наведванне лекараў, лекі для пацярпелых падчас пратэстаў, а таксама купіў пратэз на агульную суму 28 тысяч 815 злотых, дапамагаючы 14 людзям;
- запусціў у санаторыі ў Душніках Здруй праграму медыцынскай і псіхічнай рэабілітацыі коштам 433 тысячы злотых, што дазволіла прайсці працэдуры 127 пацярпелым;
- аплаціў часовае пражыванне людзям, якім давялося хутка эвакуіравацца з Беларусі: 27,5 тысячы злотых на 783 ночы на 112 чалавек;
- аказаў дапамогу ў атрыманні польскіх гуманітарных віз, даючы магчымасць працаваць і шэнгенскія візы для 545 чалавек.
яс