ААН папярэджвае, што талібы інтэнсіўна шукаюць былых супрацоўнікаў НАТА ў Афганістане. Паступаюць таксама паведамленні, якія сведчаць пра тое, што яны не выконваюць сваіх ранейшых абяцанняў, датычных правоў жанчын і свабоды СМІ. Актывісты бʼюць трывогу, што новыя кіраўнікі Афганістана рыхтуюць помсту тысячам людзей.
Паводле экспертаў ААН, насуперак ранейшых заяваў аб амністыі, талібы ходзяць ад дзвярэй да дзвярэй і шукаюць людзей, якія працавалі на папярэдні ўрад, міжнародныя войскі і гуманітарныя арганізацыі. Арганізацыя Абʼяднаных Нацый папярэджвае, што асобам, якія былі ўнесеныя ў «чорны спіс» талібаў, пагражае смерць.
Тым часам НАТА заявіла, што да гэтага часу з Афганістана былі эвакуяваныя больш за 18 тысяч чалавек, пераважна замежнікаў, але і афганскіх перакладчыкаў. Аднак у той жа час многія афганцы, якіх яшчэ трэба эвакуяваць, не маюць магчымасці дабрацца да аэрапорта ў Кабуле.
Адна з афганскіх тэлевядучых была звольненая з працы, а ісламісты забілі некалькіх сваякоў з сямʼі мясцовых супрацоўнікаў Deustche Welle.
Amnesty International сцвярджае, што ў ліпені, талібы закатавалі частку хазарскай абшчыны ў правінцыі Газні, дзе калісьці дыслакаваўся польскі вайсковы кантынгент. Хазары – шыіцкая этнічная меншасць, якую талібы пераследуюць на працягу многіх гадоў.
IAR/аз