Падчас выходных польскія памежнікі перадухілілі 509 спробаў незаконнага перасячэння мяжы з Беларусі

На думку ўладаў Польшчы і Еўрасаюза, павелічэнне колькасці мігрантаў на польска-беларускай мяжы – гэта вынік палітыкі Лукашэнкі.

Здымак мае ілюстрацыйны характар

geralt/pixabay.com/CC0 Public Domain

У суботу і нядзелю польская Памежная служба перадухіліла 509 спробаў незаконнага перасячэння мяжы з Беларусі ў Польшчу. Памежнікі затрымалі семярых нелегальных мігрантаў. Пяцёра з іх – сірыйцы, двое – грамадзяне Самалі.

Акрамя таго, у нядзелю памежнікі затрымалі васьмярых замежнікаў, якія дапамагалі ў незаконным перасячэнні польска-беларускай мяжы. Гэта пяцёра грамадзян Сірыі, якія маюць від на жыхарства Германіі і Бельгіі, двое грамадзян Егіпта з відам на жыхарства ў Польшчы і грамадзянін Нідэрландаў.

На думку ўладаў Польшчы і Еўрасаюза, павелічэнне колькасці мігрантаў на польска-беларускай мяжы – гэта вынік палітыкі Аляксандра Лукашэнкі, які спрабуе дэстабілізаваць сітуацыю ў Заходняй Еўропе.

IAR/аз