Беларуская Служба

У суботу распачынаецца XVIII Міжнародны конкурс піяністаў імя Фрыдэрыка Шапэна

01.10.2021 18:12
Старшыня журы конкурсу Катажына Папова-Зідрань адзначае, што ўзровень выступаў будзе надзвычай высокім.
XVIII Konkurs Chopinowski
XVIII Konkurs Chopinowskimat. promocyjne

87 піяністаў з 18 краінаў свету, у тым ліку шаснаццаць палякаў, прымуць удзел у XVIII міжнародным конкурсе піяністаў імя Фрыдэрыка Шапэна. Старшыня журы конкурсу Катажына Папова-Зідрань адзначае, што ўзровень выступаў будзе надзвычай высокім:

-Такога яшчэ не было. Мне здавалася, што з гэтымі ўдзельнікамі можна было б зрабіць два кастрычніцкія Конкурсы імя Шапэна. Такім чынам нас напэўна чакаюць тры тыдні, поўныя ўражанняў, напэўна таксама кранальных сустрэчаў з публікай, крытыкамі і прэсай. Думаю, што будуць бушаваць вялікія страсці. Аднак, я перакананая, што ўсё гэта дадае конкурсу зачаравання.

Падчас першага канцэрта лаўрэатаў, у чацвер, 21 кастрычніка ў Вялікім тэатры – Нацыянальнай оперы ў Варшаве, старшыня праўлення польскага радыё Агнешка Камінская ўручыць узнагароду за лепшае выкананне мазурка. Гэтая ўзнагарода ўручаецца польскім грамадскім радыёвяшчальнікам, пачынаючы з першага Конкурсу імя Шапэна ў 1927 годзе. Польскае радыё з'яўляецца адным з асноўных інфармацыйных партнёраў імпрэзы.

iar/эж


Маладыя піяністы змагаюцца за фінал прэстыжнага Конкурсу імя Шапэна ў Варшаве

22.07.2021 14:27
Самыя таленавітыя піяністы, якім менш за 30 гадоў знаходзяцца ў Варшаве, дзе праходзіць уступны адбор на прэстыжны Конкурс імя Шапэна.