Сталічны чыгуначны вакзал «Варшава Цэнтральная» часова закрыты. Чыгунка папярэджвае пасажыраў аб зменах маршрутаў і магчымых затрымках.
З 8 па 16 лістапада цягнікі не будуць спыняцца на цэнтральным вакзале Варшавы з-за рамонту пуцей. Гандлёвыя зоны вакзалу будуць даступныя.
У перыяд закрыцця білеты будуць прымацца паміж перавозчыкамі. Цягам васьмі дзён будзе праведзены рамонт сцен і каменных падлог платформаў, а таксама рамонт і мадэрнізацыя асвятлення ў галоўнай зале ды падземных пераходах. Таксама будзе старанна прыбрана ўсё памяшканне вакзалу.
На час закрыцця галоўнага чыгуначнага вакзалу польскай сталіцы цягнікі дальняга следавання будуць спыняцца на станцыях «Варшава Заходняя» і «Варшава Усходняя». Частка цягнікоў будзе накіраваная на станцыі «Варшава Гданьская» і «Варшава Галоўная». Некаторыя пасажырскія саставы дальняга следавання будуць таксама спыняцца на станцыі «Варшава Сьрудмесце».
Прыгарадныя цягнікі будуць курсаваць паводле раскладу і спыняцца на ўсіх варшаўскіх чыгуначных прыпынках.
вс