Польшча і Украіна будуць супрацоўнічаць па справе актаў дыверсіі

Як стала вядома, адзін з украінцаў, падазраваных у дыверсіі на польскай чыгунцы, раней быў асуджаны за падобнае злачынства ва Украіне.

Міністр-каардынатар спецслужбаў Тамаш Сямoняк

PR3

Украіна будзе перадаваць Польшчы інфармацыю аб сваіх грамадзянах, абвінавачаных у актах дыверсіі. Міністр-каардынатар спецслужбаў Тамаш Сямоняк (Tomasz Siemoniak) заявіў, што гэтае пытанне абмеркавалі прэм'ер Дональд Туск і прэзідэнт Украіны Уладзімір Зяленскі.

У мінулыя выхадныя (15 лістапада) на польскай чыгунцы адбыліся акты дыверсіі. Адна з асобаў у іх падазраваная – грамадзянін Украіны, раней была асуджана ў Львове за падобны акты. Аднак польскі бок такой інфармацыяй не валодаў:

- Украінскі бок запэўніў – я маю на ўвазе, як заявы прэзідэнта Украіны, так і перамовы спецслужбаў – што Польшча будзе атрымліваць гэткія дадзеныя(…) Мы разумеем, што маштаб дыверсій ва Украіне велізарны – ён сягае тысячаў актаў, але Польшчы такая інфармацыя неабходная.

На мінулым тыдні прэмʼер Дональд Туск абвясціў, што акты дыверсіі былі здзейснены двума ўкраінцамі, якія супрацоўнічалі з расійскімі спецслужбамі. Адразу пасля аперацыі мужчыны пакінулі Польшчу праз памежны пераход у Тэрэспалі.

IAR/аз