Мэр Варшавы Рафал Тшаскоўскі паведаміў у сацыяльных сетках, што гэта фатаграфіі, карты і дзённікі з часоў непасрэдна перад Варшаўскім паўстаннем.
«Некаторыя апісваюць дзейнасць падпольнай дзяржавы, некаторыя з'яўляюцца сведчаннямі паўсядзённага жыцця падчас акупацыі (напрыклад, цэны на асноўныя прадукты харчавання), а некаторыя зʼяўляюцца прыкладамі працы па падрыхтоўцы арганізацыі дзяржавы пасля вайны», – напісаў мэр Варшавы.
Ён дадаў, што эксперты будуць вывучаць знаходку, але «адкрыццё выглядае сенсацыйным».
У знойдзеным сховішчы знаходзіліся каштоўныя дакументы, вырабленыя ў штаб-кватэры Арміі Краёвай. Сярод прадметаў — пустыя нямецкія бланкі дакументаў, польскія газеты, якія выдаваліся ў Вялікабрытаніі падчас вайны, а таксама навучальныя дапаможнікі і брашуры. Таксама былі знойдзены асабістыя рэчы, такія як фатаграфіі, пасведчанні асобы і даваенныя фотаздымкі, дзённік, напісаны падчас акупацыі маладой жанчынай, асоба якой пакуль не ўстаноўлена.
«Вялікія апладысменты і падзяка рабочым, якія належным чынам падышлі да адкрыцця і паведамілі пра яго. Цяпер прыйшоў час экспертам вывучыць матэрыялы. Мы будзем трымаць вас у курсе па ходзе работ!» – падкрэслівае Рафал Тшаскоўскі.
IAR/вх