Украінцы прапануюць Польшчы пачаць выпуск беспілотнікаў і ракет. Яны чакаюць капіталу і доступу да заводаў, якія будуць знаходзіцца па-за зонай дасягу расійскіх ракет, паведамляе Dziennik Gazeta Prawna.
Выданне піша, што ўкраінскі бок чакае інвестыцый у кампаніі і праекты, якія займаюцца такімі тэмамі.
Адзін з суразмоўцаў газеты прывёў прыклад Даніі, якая прапанавала ўкраінцам доступ да рэсурсаў вытворчасці ракетнага паліва падчас рэалізацыі праекта «Фламінга» па прадукаванню ракет. У Даніі ёсць заводы, якія абслугоўваюць украінскую прамысловасць беспілотнікаў і ракет. Чакаецца, што завод, які зараз будуецца, пачне пастаўляць ракетнае паліва восенню 2026 года. Польшчы таксама прапанавалі месца ў гэтай схеме, піша выданне.
Украінска-польская вытворчасць беспілотнікаў будзе ажыццяўляцца на заводах у Рацібужы.
Агулам першая двухбаковая сустрэча прэзідэнтаў Караля Наўроцкага і Уладзіміра Зяленскага была станоўча ацэнена ў абедзвюх сталіцах. Украінская дэлегацыя чакала, што перамовы будуць значна больш канфрантацыйнымі, але сустрэчы прайшлі ў канструктыўнай атмасферы. Акрамя прэзідэнта, Зяленскі таксама сустрэўся з прэм'ер-міністрам Дональдам Тускам і спікерам Сейма Уладзімежам Чарастым.
Прэс-сакратар прэзідэнта Польшчы Рафал Ляшкевіч заявіў DGP, што «мы павінны любой цаной прадэманстраваць адзінства ў імкненні да міру ва Украіне».
IAR/вх