У чацвер 29 студзеня ў нямецкім Рамштайне адбудзецца сустрэча, якая зʼяўляецца часткай серыі сустрэч краін, якія падтрымліваюць Украіну.
Вярхоўны галоўнакамандуючы абʼяднанымі ўзброенымі сіламі саюзнікаў у Еўропе генерал Алексус Грынкевіч папрасіў міністра абароны Польшчы выступіць з прамовай адносна бяспекі ў рэгіёне. Паколькі прамова засакрэчаная, міністр Уладзіслаў Касіняк-Камыш падкрэсліў у агульных словах тое, што хацеў бы сказаць саюзнікам.
— Будзе сказана пра ролю Польшчы сёння ў НАТА, не толькі пра выдаткі, але і пра нашыя аперацыйныя здольнасці. Для нас вельмі важна, што голас Польшчы прагучыць падчас размовы ўсіх галоўнакамандуючых дзяржаў НАТА.
У сустрэчы ў Рамштайне прымуць удзел начальнікі штабоў абароны саюзных войскаў. Міністр абароны НАТА Марк Рутэ таксама будзе слухаць дыскусію і сустрэнецца з віцэ-прэмʼерам Уладзіславам Касіняк-Камышам. Сустрэчы на базе Рамштайн – гэта перыядычныя брыфінгі, якія праводзяцца з 2022 года, калі ва Украіне пачалася поўнамаштабная вайна. Сустрэчы ў Германіі збіраюць прадстаўнікоў дзясяткаў краін, якія аказваюць ваенную дапамогу Кіеву.
ПР/юл