32-гадовы мужчына знаходзіўся ў вышуку Літвы па еўрапейскім ордэры на арышт і быў затрыманы Цэнтральным бюро расследаванняў (CBŚP) у аэрапорце імя Шапэна ў Варшаве. Паводле звестак літоўскіх службаў, ён збіраў інфармацыю для кітайскай разведкі з 2023 года.
Суд пагадзіўся з просьбай пракурора і прызначыў сямідзённы арышт для мужчыны, падазраванага ў шпіянажы на карысць Кітая, паведаміў прэс-сакратар акруговай пракуратуры ў Варшаве Пётр Антоні Скіба. На мужчыну выдадзены еўрапейскі ордэр на арышт.
Літоўскае грамадскае тэлебачанне LRT паведаміла, спасылаючыся на разведвальныя дадзеныя, што чарнагорцу 32 гады, і што расследаванне яго справы працягваецца з ліпеня 2025 года.
Паводле інфармацыі, сабранай літоўскімі службамі, затрыманы ў Варшаве мужчына з 2023 года збіраў і распаўсюджваў інфармацыю пра Літву, якая магла б зацікавіць кітайскія спецслужбы.
Літоўскія службы не паведамілі ніякіх дадатковых падрабязнасцей. Паводле паведамленняў Літоўскага агенцтва радыё і тэлебачання (LRT), вядзецца праца па арганізацыі яго экстрадыцыі з Польшчы ў Літву.
ав