Польскі кандыдат на еўракамісара Януш Вайцяхоўскі (Janusz Wojciechowski) будзе адказваць за сельскую гаспадарку. Падзел пасадаў у новай Еўрапейскай камісіі аб’явіла ейная старшыня Урсула фон дэр Ляен.
Паляк будзе адказваць за рэформу Агульнай сельскагаспадарчай палітыкі. Ён сам раней гаварыў, што ў Еўрасаюзе адсутнічае доўгатэрміновае стаўленне да еўрапейскай сельскай гаспадаркі.
Што датычыцца астатніх кандыдатаў, то чэшка Вера Ёўрова і бельгіец Дыдзье Рэйндэрс будуць адказваць за вяршэнства закона ў ЕС. У сваю чаргу Франс Тымерманс зоймецца падрыхтоўку амбітнай стратэгіі Еўрасаюза па барацьбе са зменамі клімату.
У сваю чаргу прадстаўнік Эстоніі будзе адказваць за энергетыку, а Румыніі - за транспарт. Абедзве краіны маюць падобныя да Польшчы пазіцыі ў гэтых галінах.
аз