Прадстаўнік Еўракамісіі раскрытыкаваў смяротныя прысуды, вынесеныя ў Беларусі. Учора да найвышэйшай меры пакарання былі прысуджаныя два браты з гарадка Чэрыкаў на ўсходзе краіны, якія забілі настаўніцу і падпалілі яе дом.
Прэс-сакратар Еўракамісіі падкрэсліў, што смяротныя прысуды непрымальныя для Еўрасаюза. У апублікаванай заяве Пэтэр Стано нагадаў, што Саюз выступае супраць выкарыстання найвышэйшай меры пакарання нягледзячы на абставіны злачынства, а ў мінулым неаднойчы крытыкаваў Беларусь за такія прысуды.
“Смяротнае пакаранне з'яўляецца парушэннем неад'емнага права на жыццё і самым жорсткім, бесчалавечным і прыніжаючым годнасць пакараннем”, - напісаў прэс-сакратар Еўракамісіі.
Пэтэр Стано дадаў, што смяротнае пакаранне не дзейнічае як стрымлівае злачынства, а памылкі судовай сістэмы незваротныя.
На думку прэс-сакратара Еўракамісіі, увядзенне мараторыя на выкананне смяротных прысудаў у Беларусі стала б станоўчым крокам на шляху да поўнай адмены смяротнага пакарання.
аз