Сітуацыя ў Італіі вельмі складаная. Прэм’ер-міністр Джузэпэ Контэ аб’явіў новы дэкрэт і беспрэцэдэнтныя сродкі бяспекі. Сёння, у прынцыпе, уся Італія аб’яўлена чырвонай зонай.
Па краіне дазваляецца падарожнічаць выключна па сур’ёзных прафесійных, сямейных ці звязаных з аховай здароўя прычынах. Бары і рэстараны могуць працаваць да 18-ай гадзіны. Школы і ВНУ закрытыя да 3 красавіка.
На ўсёй тэрыторыі Італіі забараняецца ладзіць спартыўныя мерапрыемствы, канферэнцыі і сустрэчы. Не працуюць кінатэатры, тэатры, музеі і спартзалы. У звычайным рэжыме працуе толькі гарадскі транспарт.
У Італіі амаль 8 тысяч заражаных. Памерлі ад каронавіруса амаль паўтысячы чалавек.
яс