Парыжскі музей Луўр зноў адкрыўся для наведвальнікаў – праз амаль 4 месяцы з моманту яго закрыцця ў сакавіку з-за каранавіруса. Нягледзячы на афіцыйнае адкрыццё музея, каля траціны галерэй комплексу застануцца пакуль закрытымі, перадае «Інтэрфакс».
Пры гэтым пакуль у адным з самых наведвальных музеяў у свеце будуць дзейнічаць істотныя абмежаванні для наведвальнікаў. Кіраўніцтва Луўра зрабіла абавязковым нашэнне масак, колькасць наведвальнікаў і іх перасоўванне па залах будзе строга кантралявацца.
Для наведвання музея неабходна загадзя забраніраваць жаданы інтэрвал часу, падобнае правіла распаўсюджваецца і на льготныя катэгорыі грамадзян, якія збіраюцца адправіцца ў Луўр.
Луўр зачынілі ў сярэдзіне сакавіка ў рамках мер для барацьбы з распаўсюджваннем каранавіруса. З моманту закрыцця з-за каранціну 13 сакавіка Луўр страціў 40 мільёнаў еўра даходаў. «Нам пашанцавала, што наш уласнік – дзяржава», – заявіў дырэктар музея Жан-Люк Марцінес.
вс