Асноўная цырымонія, прысвечаная 19-й гадавіне тэрактаў 11 верасня, традыцыйна адбудзецца перад манументам, прысвечаным нападам на Сусветны гандлёвы цэнтр у Нью-Ёрку. Удзел прымуць віцэ-прэзідэнт ЗША Майк Пенс і кандыдат у прэзідэнты ЗША ад Дэмакратычнай партыі Джо Байдэн.
Прэзідэнт Дональд Трамп і першая лэдзі адправяцца ў Шэнксвіл, штат Пенсільванія, дзе разбіўся адзін з захопленых самалётаў. Кандыдат ад дэмакратаў таксмама прыбудзе ў Шэнксвіл.
Як і кожны год, галоўнай падзеяй юбілейных цырымоній у Нью-Ёрку стане чытанне імёнаў ахвяр нападу на Сусветны гандлёвы цэнтр. Аднак не будзе цэнтральнай сцэны, вакол якой заўсёды збіраліся тысячы людзей. На гэты раз у сувязі з пандэміяй каранавірусу ў парк, які атачае помнік тэрактам, будзе дазволены ўваход толькі сваякам людзей, якія загінулі ў выніку тэрарыстычных актаў. Ім давядзецца апранаць маскі і захоўваць сацыяльную дыстанцыю.
Імёны загінулых будуць перададзены з дынамікаў. Святкаванне юбілею 11 верасня таксама пройдзе ў Пентагоне. У ім возьме ўдзел Марк Эспер з Міністэрства нацыянальнай абароны.
Увечары на месцы тэрактаў у Нью-Ёрку ўверх будуць скіраваныя два слупы святла ў памяць пра людзей, якія загінулі пад заваламі Сусветнага гандлёвага цэнтра.
Напады 11 верасня 2001 года здзейснілі 19 тэрарыстаў «Аль-Каіды». Там загінула 2983 чалавекі. Гэта быў самы трагічны тэракт у гісторыі.
яс