Расія стварае юрыдычныя інструменты для абароны і прасоўвання ўласнай версіі гісторыі. Як паведамляла агенцтва РИА Новости, кіраўнік Следчага камітэта Аляксандр Бастрыкін паклікаў штаб, адказны за арганізацыю даследчай працы па барацьбе з фальсіфікацыяй гісторыі.
Ужо тыдзень у структурах расійскіх праваахоўных органаў працуе следчы аддзел, які займаецца пошукам людзей, якія, паводле Расіі, адказныя за „рэабілітацыю нацызму і фальсіфікацыю гісторыі”.
На думку гісторыка з расійскага „Мемарыяла” Мікіты Пятрова, такая дзейнасць накіравана на ўтойванне савецкіх злачынстваў і рэабілітацыю Савецкага Саюза:
- Савецкія догмы грунтаваліся на хлусні, а цяпер выкарыстоўваецца метад скажэння гісторыі, які заключаецца ў прызнанні таго, што адбылося і неадкладным перакідванні віны з боку агрэсара на ахвяру.
У штабе, пакліканым кіраўніком Следчага камітэта, будуць працаваць прадстаўнікі міністэрстваў, няўрадавых арганізацый і ВНУ. Яны будуць даследаваць савецкія архівы, а таксама арганізоўваць археалагічныя экспедыцыі.
аз