Прэм'ер-міністр Вялікабрытаніі Борыс Джонсан падтрымаў праграму інвеставання ва ўзброеныя сілы краіны, якая падаецца як самая маштабная з часоў Халоднай вайны.
Паводле яго слоў, яно «трансфармуе» узброеныя сілы Злучанага Каралеўства, адаптуючы іх да патэнцыйных пагроз.
«З часоў Халоднай вайны міжнародная сітуацыя ніколі не была такой небяспечнай і напружанай, як цяпер, і Брытанія павінна быць верная нашай гісторыі і стаяць побач з нашымі хаўруснікамі», – заявіў прэм’ер Вялікабрытаніі.
Джонсан паведаміў заканадаўцам, што ўзброеныя сілы атрымаюць 16,5 мільярдаў фунтаў стэрлінгаў звыш бягучых планаў урада.
У рамках новых абаронных выдаткаў будзе створана асобнае ведамства, якое будзе займацца штучным інтэлектам.
Акрамя таго, прадугледжваецца стварэнне «касмічнага камандавання», здольнага запусціць першую брытанскую ракету ўжо да 2022 года.
voanews/эж