Расія адкрыла свае межы для студэнтаў і навукоўцаў з 25 краін. Гаворка ідзе пра людзей, якія вучыліся альбо працавалі ў расійскіх універсітэтах да абвяшчэння пандэміі. Польшчы сярод згаданых краін няма.
У сувязі з пандэміяй Расія закрыла свае межы 12 месяцаў таму - 18 сакавіка 2020 года. Першапачаткова расійскія ўлады пакінулі магчымасць паездак дыпламатаў, перавозчыкаў, прадстаўнікоў афіцыйных дэлегацый, пацыентаў, якія лечацца і сваякам, якія едуць на пахаванне альбо даглядаюць хворых.
Праз некалькі месяцаў ездзіць у Расію дазволілі таксама супрацоўнікам расійскіх кампаній, а цяпер студэнтам і даследчыкам, якія вучацца або праводзяць даследаванні ў расійскіх універсітэтах.
У спіс увайшлі ў асноўным краіны былога Савецкага Саюза, таксама Турцыя і Егіпет, з ЕС – толькі Грэцыя і Фінляндыя.
Асобы, якія ўязджаюць у Расію, павінны паведаміць аб гэтым сваім універсітэтам за 10 дзён да прыбыцця, і пры перасячэнні мяжы прадасатавіць адмоўны вынік тэста на COVID-19. Тэст трэба зрабіць таксама на працягу 72 гадзін пасля прыбыцця ў Расію.
аз