Дзяржсакратар ЗША Энтані Блінкен перасцярог Расію ад агрэсіўных дзеянняў супраць Украіны. У інтэрв'ю NBC кіраўнік амерыканскай дыпламатыі заявіў, што ЗША занепакоеныя дзеяннямі Масквы на расійска-ўкраінскай мяжы. Ён адзначыў, што Расія сабрала там больш войскаў, чым калі-небудзь з 2014 года.
Дзяржсакратар ЗША заявіў, што Вашынгтон знаходзіцца ў пастаянным кантакце з хаўруснікамі і партнёрамі ў Еўропе.
„Прэзідэнт Байдэн заняў адназначную пазіцыю па гэтым пытанні - калі Расія будзе дзейнічаць агрэсіўна і безадказна, яна заплаціць за гэта і панясе наступствы”, - сказаў кіраўнік амерыканскай дыпламатыі.
аз