Старшыня дэлегацыі Еўрапарламента па сувязях з Беларуссю Роберт Бедрань ацаніў, што арышт польскіх актывістаў з Гродна быў "мэтанакіраванай акцыяй КДБ".
Раніцай міліцыя ўвайшла ў дом галоўнага рэдактара польскага партала znadniemna.pl, сакратара Галоўнай рады Саюза палякаў у Беларусі Анджэя Пісальніка і яго жонкі, галоўнага рэдактара газеты "Głos znad Niemna" Інэсы Тодрык-Пісальнік. Супрацоўнікі правялі ператрус у кватэры, затым затрымалі актывістаў і павезлі ў Мінск.
"Гэта не выпадковасць, а наўмысная акцыя КДБ, бо сакратар праўлення Саюза палякаў Беларусі павінен быў сёння гаварыць пра рэпрэсіі супраць польскай меншасці на сустрэчы дэлегацыі ЕП па сувязях з Беларуссю ", - напісаў Роберт Бедрань у Twitter. Раней ён заявіў, што рэжым імкнецца суцішыць Анджэя Пісальніка, "баючыся таго, што ён можа расказаць пра пераслед польскай меншасці [у Беларусі]".
ІАР/нг