X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Нацыянальнае свята Бельгіі праходзіць у цені стыхійнай катастрофы

21.07.2021 09:21
Паводка, якая абрынулася на краіну на мінулым тыдні, забрала жыцці як мінімум 31 чалавек. 
кароль Бельгіі ФіліпEPA/STEPHANIE LECOCQ Dostawca: PAP/EPA

21 ліпеня 1831 г. першы кароль Бельгіі Леапольд прыняў прысягу і ўступіў на трон. Годам раней Бельгія аддзялілася ад Нідэрландаў.

Сёлетняе святкаванне нацыянальнага свята азмрочана паводкай, якая абрынулася на краіну на мінулым тыдні. Загінуў як мінімум 31 чалавек, больш за 50 знаходзяцца ў вышуку.

У сваім традыцыйным пасланні нацыі кароль Бельгіі Філіп выказаў высокую ацэнку салідарнасці і сіле нацыі.

«Беспрэцэдэнтная стыхійная катастрофа» – гэта былі першыя словы караля ў яго прамове перад бельгійцамі. «Колькасць загінулых балючая. Шкоды велізарныя. Шмат людзей страціла ўсё на ​​працягу некалькіх гадзін», – сказаў кароль Філіп. Ён з удзячнасцю выказаўся аб працы службаў па надзвычайных сітуацыях, пажарнікаў і вайскоўцаў, а таксама валанцёраў.

Сённяшняе нацыянальнае свята ў сувязі з паводкай зведзена да мінімуму. Буйны ваенны парад адменены, бо частка салдат знаходзіцца ў затопленых раёнах. Верталёты, якія выкарыстоўваюцца падчас паводкі, не будуць удзельнічаць у авіяшоу. Таксама была скарочана мастацкая частка і зменена музычная афарбоўка.
яс