Як мінімум дзве асобы загінулі, а каля 40 пацярпелі ў выніку сутыкнення двух пасажырскіх цягнікоў у сераду раніцай на захадзе Чэхіі, паведамілі службы экстранай дапамогі. Кіраўнік выратавальнай аперацыі сказаў, што загінулыя, гэта, хутчэй за ўсё, машыністы абодвух цягнікоў. Паведамляецца, што сярод параненых сем чалавек у цяжкім стане.
Сутыкненне адбылося непадалёк ад горада Міляўчы каля 8 раніцы. На месца былі накіраваны машыны хуткай дапамогі, пажарнікі і чатыры верталёты.
Па словах прадстаўнікоў Чэшскай чыгункі, цягнік «Хеб-Прага» сутыкнуўся з мясцовым пасажырскім цягніком.
аз