У верхняй палаце Кангрэсу Злучаных Штатаў Амерыкі ўтварылі кокус – групу падтрымкі Беларусі. У яе ўвайшлі прадстаўнікі абедзвюх партый – як дэмакратычнай, так і рэспубліканскай.
Стварэнне гэтай групы «мае паказаць міжнароднай супольнасці, што ЗША падтрымліваюць беларускі народ у ягонай рашучасці будаваць дэмакратычную будучыню», – напісала ў твітэры адна з стваральніц кокусу Джын Шэйхін.
Група адкрытая да далучэння, у яе ўвайшлі ўжо дзевяць сенатараў.
14 ліпеня двухпартыйны кокус «Сябры Беларусі» стварылі і ў Палаце прадстаўнікоў Кангрэсу ЗША.
ав/Свабода