Раніцай у Вільні прызямліўся самалёт з 50 афганцамі, у эвакуацыі якіх з Афганістана дапамагала Польшча. Як паведаміў раней намеснік міністра замежных спраў Марцін Пшыдач, Літва папрасіла ў Польшчы дапамогі ў эвакуацыі сваіх афганскіх паплечнікаў. Усяго ў Вільню прыляцелі чатырнаццаць перакладчыкаў і іх сем'і.
«Мы асабліва ўдзячныя Польшчы, а таксама нашым іншым партнёрам і дыпламатам, якія дапамаглі дамовіцца з іншымі краінамі», – сказаў кіраўнік МЗС Літвы Габрыэлюс Ландсбергіс.
Міністр абароны Арвідас Анушаўскас паведаміў, што афганцы, якія прыляцелі ў Літву, атрымаюць там прытулак. Ён таксама дадаў, што ў бліжэйшыя дні Літва хоча эвакуяваць яшчэ амаль 150 чалавек, якія супрацоўнічалі з літоўскімі жаўнерамі ў Афганістане.
Учора міністр Марцін Пшыдач заявіў, што дапамогі ў эвакуацыі прасілі таксама Эстонія, Латвія, Харватыя і Грэцыя. На яго думку, гэта доказ даверу, якім карыстаецца Польшча на міжнароднай арэне.
IAR/аз