Міністр унутраных спраў Літвы заявіла, што рэжым Лукашэнкі выкарыстоўвае нелегальных мігрантаў у гібрыднай вайне з Еўрапейскім Звязам. Агне Білатаце сказала пра гэта на сумесным пасяджэнні Камісіі замежных спраў і грамадзянскіх свабод Еўрапейскага парламента. На пасяджэнні абмяркоўвалася пытанне імклівага павелічэння плыні нелегальных мігрантаў з тэрыторыі Беларусі.
Літоўскі міністр сказала, што гэта частка гібрыднай вайны супраць Літвы, якая актыўна падтрымлівае грамадзянскую супольнасць абараняе правы чалавека ў Літве і дае прытулак беларусам, якія пераследуюцца з палітычных меркаванняў, але гэта таксама вайна супраць ЕЗ і заходніх дэмакратый, лічыць Агне Білатайце:
-Міграцыя з'яўляецца інструментам у гэтай гібрыднай вайне. На жаль, людзі інструментальна эксплуатуюцца рэжымам Лукашэнкі.
Падчас свайго выступу ў Еўрапарламенце кіраўнік літоўскага МУС паказала слайды ў пацверджанне сваіх слоў, што за міграцыйны крызіс адпавядаюць беларускія ўлады. Яна распавяла аб рэгулярных авіяпералётах, у прыватнасці, з Турцыі і Ірака ў Мінск з сотнямі мігрантаў на бартах з квіткамі ў адзін бок. Яна таксама паказала дакументы па авіярэйсах, якія выдавала адно з турыстычных агенцтваў, звязаных з атачэннем Лукашэнкі.
У літоўскі парламент унесены праект рэзалюцыі з прызнаннем росту незаконнай міграцыі з Беларусі гібрыднай агрэсіяй. У дакуменце ёсць палажэнне аб тым, каб мігрантаў прызнаваць актыўнымі ўдзельнікамі гэтай атакі.
Са студзеня на тэрыторыю Літвы спрабавала трапіць больш за 1600 нелегальных мігрантаў, гэта ў 20 разоў больш, чым летась. За апошнія суткі на мяжы літоўска-беларускай мяжы перахапілі чарговых 60 уцекачоў.
iar/эж