Літва раіць жыхарам пазбягаць пакупкі папулярных кітайскіх смартфонаў. Паводле Вільні, апараты могуць мець функцыі цэнзуры і назірання. Гаворка ідзе пра смартфоны, якія могуць абслугоўваць сетку 5G.
Міністэрства абароны Літвы паведамляе, што праграмнае забеспячэнне папулярных кітайскіх тэлефонаў, даступных у Еўропе, мае магчымасць выяўлення і цэнзуры некалькі сотняў тэрмінаў. Сярод іх такія словы-ключы, як «Няхай жыве незалежнасць Тайваня«, «Голас Амерыкі» або «Вольны Тыбет».
Даследаванні адной мадэлі кітайскіх смартфонаў, праведзеныя Нацыянальным цэнтрам кібербяспекі Літвы, паказалі, што такая магчымасць у праграмным забеспячэнні кітайскіх апаратаў у Еўрапейскім Саюзе была адключаная, але можна яе запусціць дыстанцыйна ў любым месцы і часе.
Міністэрства абароны кажа, што лепшым рашэннем для жыхароў Літвы будзе не купляць кітайскіх прыладаў і пазбавіцца ад тых, якімі яны ўжо карыстаюцца.
Нагадваем, адносіны Літвы з Кітаем абвастрыліся пасля таго, як у Вільні было адкрытае дыпламатычнае прадстаўніцтва са словам «Тайвань» у назве. У жніўні Кітай адклікаў свайго пасла ў Літве і запатрабаваў ад уладаў Вільні адклікаць свайго дыпламата ў Пекіне.
IAR/аз