Больш за 40 тысяч праціўнікаў агульнанацыянальнага лакдауну, які дзейнічае ў Аўстрыі з 22 лістапада, і абвешчанага абавязку па вакцынацыі прайшлі ў суботу па вуліцах Вены.
Жыхары Вены прадэманстравалі свая нязгоду са стратэгіяй урада па барацьбе з пандэміяй COVID-19, выносячы банеры з лозунгамі правядзення новых выбараў у краіне. Паводле паліцыі, у контрдэманстрацыі ўдзельнічалі каля 1,5 тысячы чалавек.
Каля 1200 сілавікоў былі накіраваныя на акцыі пратэсту ў аўстрыйскай сталіцы. Супраць людзей, якія закідвалі паліцыянтаў феерверкамі, ужылі пярцовы газ.
У сувязі з ростам захворвання на COVID-19 22 лістапада ўлады Аўстрыі аднавілі лакдаун у краіне і абвясцілі пра абавязковую вакцынацыю, запланаваную на люты.
У Аўстрыі з пачатку пандэміі зафіксавана 1,2 мільёна выпадкаў заражэння каранавірусам, з іх 12 тысяч скончылася смерцю. З моманту ўвядзення лакдауну сярэднясутачная колькасць інфекцый пачала зніжацца.
Таксама пратэсты прайшлі ў Італіі, Грэцыі і Германіі.
ав