Сейм Літвы пастанавіў падоўжыць рэжым надзвычайнага становішча на мяжы з Беларуссю. У сваю чаргу прапанова ўвядзення падобнага рэжыму на літоўска-польскай мяжы была адхіленая.
Надзвычайнае становішча ў памежнай зоне Літва ўвяла 10 лістапада. Яго тэрмін мінае ў бліжэйшы чацвер. Прадаўжэнне дзеяння рэжыму азначае забарону на ўезд у памежную зону без адпаведнага дазволу. Надзвычайнае становішча таксама распаўсюджваецца на цэнтры для нелегальных мігрантаў.
Між тым, за апошнія дні колькасць мігрантаў, якія спрабуюць нелегальна перасячы мяжу Літвы, значна скарацілася. З суботы ў Літву спрабавалі трапіць каля 60 іншаземцаў.
IAR/аз