Каля паўночы мяжу на ўчастку памежнай заставы ў Чарэмшы група з 40 агрэсіўных людзей спрабавала прарваць мяжу. Яны кідалі камяні ў функцыянераў польскіх службаў. Былі затрыманыя грамадзяне Ірака і Сірыі.
Прэс-сакратар Памежнай службы лейтэнант Ганна Міхальска паведаміла, што цяпер на беларускім баку знаходзіцца некалькі тысяч мігрантаў:
-Мы бачым, што беларускія службы прывозяць гэтых людзей у раён мяжы. Апошнім часам такіх спробаў найбольш адбылося ў раёне Чарэшмы ці Дубіч Царкоўных, таксама ў Мельніку. Там груп было найбольш.
Ганна Міхальска таксама паведаміла пра выратавальную аперацыю, якую ўчора правялі супрацоўнікі памежнай службы з пастоў у Міхалове і Нараўцы сумесна з пажарнай брыгадай.
-Мы заўважылі групу нелегальных мігрантаў, якая захрасла ў балотах. Нам удалося выцягнуць чатырох чалавек, двое з іх трапілі ў шпіталь. Іх стан задавальняючы, неўзабаве іх выпішуць. Праўдападобна, яны будуць складаць заявы аб міжнароднай абароне.
Ціск мігрантаў памяншаецца. Усяго некалькі тыдняў таму штодня адбывалася да 700 спробаў нелегальнага перасячэння мяжы, у тым ліку некалькі масавых спробаў кожную ноч.
ав