Вайсковы аддзел раённай пракуратуры ў Беластоку выставіў абвінавачанне вайскоўцу-дэзерціру Эмілю Ч., які на мінулым тыдні ўцёк з мяжы ў Беларусь. Прэс-сакратар Акруговай пракуратуры ў Варшаве Аляксандра Скшыняж(Aleksandra Skrzyniarz) паведаміла, што калі суд прыме такое рашэнне, будзе выдадзены ордэр на арышт мужчыны:
- Мужчына быў абвінавачаны паводле артыкула 339 КК – то бок у злачынстве дэзерцірства, за што пагражае пазбаўленне волі тэрмінам на 1-10 гадоў. Зараз дзеянні пракуратуры засяродзяцца на ажыццяўленні ордэра на яго арышт, каб можна было прыцягнуць абвінавачанага да адказнасці.
Следчыя высветлілі, што радавы Эміль Ч. дзяжурыў на мяжы з Беларуссю ля вёскі Нараўка. 16 снежня ён пакінуў прызначаны пост і з мэтай ухілення ад вайсковай службы збег за межы Польшчы на тэрыторыю Беларусі.
Кіраўнік Міністэрства нацыянальнай абароны Марыюш Блашчак паведаміў у сацсетках, што мужчына меў «сур'ёзныя праблемы з правам і планаваў звольніцца з арміі». «Яго ні ў якім разе нельга было адпраўляць у службу на мяжы», – падкрэсліў міністр.
Таксама стала вядома, што раней дэзерцір быў асуджаны за фізічны і псіхічны здзек у адносінах да маці, а 11 снежня быў абвінавачаны ў кіраванні транспартным сродкам пад уздзеяннем алкаголю.
IAR /аз