Падчас сесіі Пастаяннага савета Арганізацыі па бяспецы і супрацоўніцтве ў Еўропе ў Вене, міністр замежных спраў Польшчы прадставіў прыярытэты польскага старшынства ў АБСЕ.
Паводле Збігнева Рауа (Zbigniew Rau), рызыка вайны сёння найбольшая за апошнія 30 гадоў. Ён падкрэсліў, што краіны-члены сутыкаюцца з мноствам пагроз, такімі як узброеныя канфлікты, тэрарызм, паслабленне механізму кантролю над узбраеннямі, а таксама парушэнні правоў чалавека.
Гаворачы аб сітуацыі вакол Украіны, міністр Рау падкрэсліў, што ў цэнтры ўвагі павінна быць мірнае вырашэнне праблемы пры захаванні тэрытарыяльнай цэласнасці Украіны:
- Мы павінны засяродзіцца на мірным урэгуляванні канфлікту ва Украіне і вакол яе ў адпаведнасці з мінскімі пагадненнямі і з поўнай павагай да суверэнітэту, тэрытарыяльнай цэласнасці і адзінства Украіны ў яе міжнародна прызнаных межах.
Збігнеў Рау заявіў, што не варта шкадаваць намаганняў для завяршэння канфлікту ў Грузіі. Польскі палітык таксама выказаў занепакоенасць сітуацыяй у Казахстане.
IAR/аз