Кіраўнік МЗС ФРГ Аналена Бербок (Annalena Baerbock)сустрэнецца з прэзідэнтам Украіны Уладзімірам Зяленскім і міністрам замежных спраў Дзмітрыем Кулебам у Кіеве 17 студзеня.
Потым яна адправіцца ў Маскву. На 18 студзеня там у тым ліку запланаваны яе перамовы з міністрам замежных спраў РФ Сяргеем Лаўровым.
Як адзначыў на брыфінгу ў Берліне прэс-сакратар МЗС ФРГ, адной з задач паездкі стане спроба па дасягненні прагрэсу ў рабоце "нармандскага фармату". Гэтыя перамовы паміж Расіяй і Украінай пры пасярэдніцтве Германіі і Францыі доўгі час былі замарожаныя. Апошні раз сустрэча на ўзроўні кіраўнікоў дзяржаў праходзіла ў Парыжы ў 2019 годзе.
У Кіеве Бербок таксама правядзе сустрэчу з супрацоўнікамі спецыяльнай маніторынгавай місіі Арганізацыі па бяспецы і супрацоўніцтве ў Еўропе (АБСЕ). Акрамя гэтага, чакаецца абмеркаванне вадароднай стратэгіі Украіны.
Запланаваныя на 18 студзеня ў Маскве перагаворы з расійскім калегам Сяргеем Лаўровым будуць прысвечаны крызісу вакол Украіны. Пры гэтым Бербок паспяшалася развеяць надзеі на хуткае збліжэнне Расіі і Захаду і разрадку напружанасці ў адносінах паміж імі. На працягу двух гадоў у Савеце НАТА-Расея не праводзілася ніякіх перамоваў. Таму ніхто не можа чакаць вырашэння праблемы за некалькі гадзін.
Расія размясціла на мяжы з Украінай каля 100 000 вайскоўцаў. Захад асцерагаецца ўварвання войскаў РФ на тэрыторыю Украіны. Масква прад'яўленыя ёй абвінавачванні абвяргае і ў сваю чаргу патрабуе гарантый сваёй бяспекі і непашырэння НАТА на ўсход, а таксама выступае супраць прыняцця Украіны ў Паўночнаатлантычны альянс. Захад жа настойвае на неадкладным адводзе расейскіх войскаў з прымежнай зоны.
Паводле Deutsche Welle, Наталія Каралёва / вх